Saltar ao contido principal

Publicacións

Dende o século XVII ...

Os devires dunha pequena familia galega, dende o século XVII vencellada ás parroquias de San Martín do Horto en Cecebre (A Coruña), San Estebo de Paleo en Carral (A Coruña), e ó lugar de Ans de Tellado (Carral); e da súa emigración a principios do século XX á cidade de Bos Aires na Arxentina e á cidade de Santos no Brasil.

Unha investigación histórica ao través dos fondos documentais, manuscritos, papeis e papeis, arquivos parroquiais e do inmenso baúl do internet...
Publicacións recentes

Libro á venda

Se estas interesad@ en merca-lo libro "Os Ans de Ans de Tellado. Xenealoxía dun apelido"podes atopalo na páxina web de LULU.com, preme aquí LIBRO, e recibiralo na túa casa antes dunha semana.

Árbore Xenealóxica

Os datos xenealóxicos da familia Ans, que abranguen a máis de 235 devanceiros en 53pólas familiares, espalladas polas parroquias veciñas de Santo Estevo Paleo, San Martiño de Orto (Abegondo), San Xurxo de Iñás (Oleiros) e San Pedro de Crendes (Abegondo), ademais dunha liña na Arxentina orixinada pola emigración de Manuel Ans Martínez (nado no 1896 en Paleo), e outra no Brasil pola emigración no ano 1953 de José Morandeira Ans (nado no 1907 en Paleo).

Se queres conseguir a árbore xenealóxica completa nun pdf e a boa resolución ponte en contacto conmigo solicitándoma a fernandezans@gmail.com.

Resumo da Árbore Xenealóxica

Apelidos Ans-Dans-Das-Chas-Señorans-Sans

Dispersión xeográfica dos apelidos Ans, Chans, Dans, Das, Sans, Señorans. Fonte: Cartografía dos apelidos de Galicia, USC.


Unha maraña de xestas, fieitos e toxos.

De primeiras prendámoslle lume á idea que temos de árbore xenealóxica. 

Coido que unha arbore xenealóxica non existe, esa idea imaxinaria dunha frondosa árbore cun forte tronco principal con fondas raíces no chan, con pólas que teñen pólas e ramiñas que tenen ramiñas e follas fermosas é só unha imaxe irreal; a realidade é máis ben unha maraña de xestas, fieitos e toxos.